Back هندسة التعدين Arabic Inxeniería de mines AST খনি প্রকৌশল Bengali/Bangla Enginyeria minera Catalan Montanistika Czech Montanwissenschaften German Mining engineering English Ingeniería de minas Spanish Mäeinsener Estonian مهندسی معدن Persian
An pagmimina sa disiplinang pang-inhenyeriya iyo an pagguno nin mga mineral sa irarom, ibabaw, o mismong sa kadagaan. An inhinyeriyang pagmimina (Ingles: mining engineering) iyo katakod kan nagkapirang mga disiplina, arug kan pagproseso nin mineral, eksplorasyon, ekskabasyon, heolohiya, metalurhiya, inhinyeriyang heoteknikal, asin pagsurbey. An inhinyerong pagmimina pwedeng magmanehar nin maski anong kamugtakan nin operasyong pagmimina, gikan sa eksplorasyon asin pagdiskobre nin mga ginikanan kan mineral, sa paagi kan pag-aadal nin fesibilidad, disensyo nin minahan, paghaman nin mga plano, produksyon asin operasyon sa pagpapasara nin minahan.
Sa proseso kan pagguno nin mineral, nagkapirang bilang nin ati asin dae-ekonomikong mga materyal an namomokna na iyo an pangenot na ginikanan nin polusyon sa mga bisinidad kan mga minahan. An mga pagmiminang aktibidad iyo minakawsa nin pagdisturbo sa natural na kapalibotan sa lugar o palibot kun sain mahihiling an mga mineral. An mga inhinyerong minero dapat dagos ipasaboot bako sana an produksyon asin pagproseso nin mga mineral na komodidades, pero iyo man an mitigasyon sa distroso sa kapalibotan parehas durante asin pakatapos kan pagmimina na resulta kan pagbabago sa lugar nin minahan. An mga nasambit na industriya iyo napapasairarom sa mga mahigot na ley para makontrol an polusyon asin distroso na pigkakawsa sa kapalibotan asin iyo peryodikong pigtatanaw kan mga relatibong departamento.